Cofnodion - Y Pwyllgor Busnes

Lleoliad:

Ar-lein

Dyddiad: Dydd Mawrth, 3 Rhagfyr 2024

Amser: 09.01 - 09.34

O bell / Preifat

------

Yn bresennol

Categori	Enwau
Aelodau o'r Senedd:	Y Gwir Anrh. Elin Jones AS (Cadeirydd) Heledd Fychan AS Jane Hutt AS Darren Millar AS
Staff y Pwyllgor:	Graeme Francis (Clerc) Yan Thomas (Dirprwy Glerc)
Eraill a oedd yn bresennol:	David Rees AS, y Dirprwy Lywydd Jane Dodds AS Manon Antoniazzi, Prif Weithredwr a Chlerc Mathew Richards, Cyfarwyddwr Dros Dro Busnes y Senedd Bethan Davies, Pennaeth Gwasanaeth y Siambr a Phwyllgorau Julian Luke, Pennaeth Gwasanaeth y Pwyllgorau Polisi a Deddfwriaeth Siân Wilkins, Pennaeth Gweithdrefnau a Sgiliau Seneddol Helen Carey, Llywodraeth Cymru Helen Finlayson,  Clerc ar gyfer Adolygiad Gweithdrefnol Deddfwriaethol

<AI1>

1 Cyflwyniad, ymddiheuriadau a dirprwyon

Croesawodd y Llywydd yr Aelodau i’r cyfarfod.

</AI1>

<AI2>

2 Cofnodion y Cyfarfod Blaenorol

Cytunwyd ar gofnodion y cyfarfod blaenorol i’w cyhoeddi.

</AI2>

<AI3>

3 Trefn Busnes

</AI3>

<AI4>

3.1 Busnes yr wythnos hon

Dydd Mawrth

Rhoddodd y Trefnydd wybod i’r Rheolwyr Busnes am y newid a ganlyn i Fusnes yr Wythnos Hon:

· Cwestiynau i’r Cwnsler Cyffredinol a’r Gweinidog Cyflawni (45 30 munud)

· Caiff y Cyfnod Pleidleisio ei gynnal fel yr eitem olaf o fusnes.

· Nid yw'r Cyfarfod Llawn yn debygol o fynd y tu hwnt i 6.35pm

Nododd Heledd Fychan ei bod yn debygol y bydd diddordeb sylweddol gan yr Aelodau yn y datganiad heddiw gan Ysgrifennydd y Cabinet dros Lywodraeth Leol a Thai ar y Datganiad sefyllfa canol trefi.

Dydd Mercher

• Caiff y Cyfnod Pleidleisio ei gynnal cyn y Ddadl Fer.  
• Nid yw'r Cyfarfod Llawn yn debygol o fynd y tu hwnt i 7.10pm

</AI4>

<AI5>

3.2 Busnes y Llywodraeth ar gyfer y tair wythnos nesaf

Nododd y Trefnydd nad oes unrhyw newidiadau i amserlen Busnes y Llywodraeth ar gyfer y tair wythnos nesaf.

Gofynnodd Jane Dodds a fyddai datganiad llafar ar y Cynllun Lles Anifeiliaid yn cael ei drefnu cyn y toriad, yng ngoleuni ymrwymiad blaenorol a wnaed. Dywedodd y Trefnydd y byddai'n ystyried y cais.

</AI5>

<AI6>

3.3 Busnes y Senedd ar gyfer y tair wythnos nesaf

Cytunwyd ar y newidiadau a ganlyn i amserlen Busnes y Senedd ar gyfer y tair wythnos nesaf:

Dydd Mercher 11 Rhagfyr 2024

• Cynnig o dan Reol Sefydlog 16.3 i addasu cylch gwaith y Pwyllgor Biliau Diwygio (5 munud)

Dydd Mercher 15 Ionawr 2025 -

• Dadl ar adroddiad y Pwyllgor Llywodraeth Leol a Thai: Y sector rhentu preifat (60 munud)
• Amser a neilltuwyd i’r Ceidwadwyr Cymreig (60 munud)
• Amser a neilltuwyd i Blaid Cymru (60 munud)
• Dadl fer (30 munud)

</AI6>

<AI7>

3.4 Cais i amserlennu dadl ar Gynnig Heb Ddyddiad Trafod 8755

Trafododd y Pwyllgor Busnes gais gan Sioned Williams i amser gael ei roi i gynnal dadl ar Gynnig Heb Ddyddiad Trafod 8755 ynghylch y gwrthdaro yn Israel a Gaza.

Cytunodd y Rheolwyr Busnes i gynnal trafodaethau pellach rhwng pleidiau gyda'r bwriad o amserlennu dadl ar y mater hwn ar sail drawsbleidiol yn y dyfodol agos.

</AI7>

<AI8>

4 Deddfwriaeth

</AI8>

<AI9>

4.1 Ymateb gan Gadeirydd y Pwyllgor Newid Hinsawdd, Amgylchedd, a Seilwaith ynghylch y Bil Hen Glofeydd a Thomennydd Chwareli (Cymru)

Trafododd y Pwyllgor Busnes ymateb gan y Pwyllgor Newid Hinsawdd, yr Amgylchedd a Seilwaith a chytunodd ar yr amserlen arfaethedig ar gyfer craffu ar y Bil Tomenni Mwyngloddiau a Chwareli Nas Defnyddir (Cymru).

</AI9>

<AI10>

4.8 Diweddariad ar Femoranda Cydsyniad Deddfwriaethol

Trafododd y Pwyllgor Busnes bapur diweddaru ar y Memoranda Cydsyniad Deddfwriaethol a chytunodd i:

• gyfeirio’r Memorandwm atodol (Memorandwm Rhif 3) ar y Bil Dŵr (Mesurau Arbennig) at y Pwyllgor Newid Hinsawdd, yr Amgylchedd a Seilwaith a'r Pwyllgor Deddfwriaeth, Cyfiawnder a’r Cyfansoddiad i graffu arno, gyda dyddiad terfynol o 10 Ionawr 2025 i gyflwyno adroddiad; ac 
• ymestyn terfynau amser y Memoranda sy’n ymwneud â'r Bil Iechyd Meddwl a'r Bil Tybaco a Fêps hyd at 21 Chwefror 2025.

</AI10>

<AI11>

5 Pwyllgorau

</AI11>

<AI12>

5.1 Craffu gan y Pwyllgor ar Orchymyn Senedd Cymru (Cynrychiolaeth Pobl) 2025

Trafododd y Pwyllgor Busnes gynnig ar gyfer hwyluso gwaith craffu pwyllgorau ar ferswin ddrafft Gorchymyn Senedd Cymru (Cynrychiolaeth y Bobl) 2025 a chytunodd i:

• nodi dull arfaethedig y Pwyllgor Biliau Diwygio o ymgysylltu â’r cyhoedd ynghylch y Gorchymyn drafft;
• cynnig gylch gwaith newydd i'r Senedd ar gyfer y Pwyllgor Biliau Diwygio i'w alluogi i ymgymryd â'r gwaith hwnnw;
• adolygu aelodaeth y Pwyllgor Biliau Diwygio gan gyfeirio'n benodol at yr Aelod a enwebwyd gan y Grŵp Llafur; a
• nodi cynigion ar gyfer amserlennu cyfarfodydd y Pwyllgor Biliau Diwygio. 

</AI12>

<AI13>

5.2 Llythyr gan Gadeirydd y Pwyllgor Cyllid ynghylch cyfarfod Fforwm y Pwyllgor Cyllid Rhyngseneddol

Trafododd y Pwyllgor Busnes gais i aelodau'r Pwyllgor Cyllid deithio i Belfast ddydd Mawrth 18 Mawrth 2025 i fod yn bresennol mewn cyfarfod o Fforwm y Pwyllgorau Cyllid Rhyngseneddol ac, yn amodol ar drefniadau teithio, i'w hesgusodi o'r Cyfarfod Llawn ar 18 a 19 Mawrth, a chytunodd iddo. 

</AI13>

<AI14>

6 Gwaith Gweithdrefnol

</AI14>

<AI15>

6.1 Adolygiad o'r prosesau craffu deddfwriaethol ar gyfer Biliau Cyhoeddus a Biliau Aelodau: cwmpasu cychwynnol

Ystyriodd y Pwyllgor Busnes bapur cwmpasu cychwynnol yn cynnwys cwmpas, dull ac amserlenni arfaethedig ar gyfer adolygu prosesau Biliau Cyhoeddus a Biliau Aelodau.

Cytunodd y Rheolwyr Busnes ar y cynigion (yn amodol ar fân newidiadau) a gwnaethant gais am wybodaeth gefndirol o ran trefniadau mewn seneddau eraill ar gyfer Memoranda Esboniadol a Biliau Aelodau.

</AI15>

<AI16>

6.2 Llythyr gan Gadeirydd Pwyllgor y Senedd yn y Dyfodol ynghylch adolygiadau gweithdrefnol o brosesau Bil cyhoeddus a Biliau Aelodau

Nododd y Pwyllgor Busnes y llythyr a chytunodd y bydd yn ymateb i rannu manylion ei ddull, ei amserlenni a'i fwriadau ar gyfer yr adolygiadau deddfwriaethol, gan gynnwys cyfleoedd i'r Aelodau gyfrannu.

</AI16>

<TRAILER_SECTION>

</TRAILER_SECTION>

<LAYOUT_SECTION>

1. FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2. FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

<SUBNUMBER_LAYOUT_SECTION>

2.1 FIELD_TITLE

FIELD_SUMMARY

</SUBNUMBER_LAYOUT_SECTION>

<TITLE_ONLY_SUBNUMBER_LAYOUT_SECTION>

2.2 FIELD_TITLE

</TITLE_ONLY_SUBNUMBER_LAYOUT_SECTION>